Sidlaghatta: ದೇವರ ದಾಸಿಮಯ್ಯನು ಕನ್ನಡದ ಆದ್ಯ ವಚನಕಾರರಾಗಿ, ತನ್ನ ಕಾಯಕ ಮತ್ತು ದರ್ಶನದ ಅನುಭವದಿಂದ ವಚನಗಳನ್ನು ರಚಿಸಿದ ಕಾಯಕಯೋಗಿ ಎಂದು ತಹಶೀಲ್ದಾರ್ ಬಿ.ಎನ್. ಸ್ವಾಮಿ ತಿಳಿಸಿದ್ದಾರೆ.
ನಗರದ ತಾಲ್ಲೂಕು ಕಚೇರಿ ಸಭಾಂಗಣದಲ್ಲಿ ಬುಧವಾರ ತಾಲ್ಲೂಕು ಆಡಳಿತದಿಂದ ದೇವರ ದಾಸಿಮಯ್ಯ ಜಯಂತ್ಯುತ್ಸವವನ್ನು ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಅವರು ಮಾತನಾಡಿ, “ಬೇಸಾಯ ಮಾಡುತ್ತಾ ದಾಸೋಹ ಪರಂಪರೆಯನ್ನು ಮುಂದುವರಿಸಿ, ಕಾಯಕ-ದಾಸೋಹ ತತ್ವವನ್ನು ಜೀವನದ ಮೂಲಕ ಅಳವಡಿಸಿಕೊಂಡ ದಾಸಿಮಯ್ಯನವರ ಬದುಕು ನಮಗೆ ಆದರ್ಶವಾಗಬೇಕು” ಎಂದು ಹೇಳಿದರು.
ತಾಲ್ಲೂಕು ಪದ್ಮಸಾಲಿ ಸಂಘದ ಅಧ್ಯಕ್ಷ ಎಸ್.ಕೆ. ನಾಗರಾಜ್ ಅವರು ಮಾತನಾಡಿ, “ಹನ್ನೊಂದನೆಯ ಶತಮಾನದ ಆದಿಕವಿ, ಪ್ರಥಮ ವಚನಕಾರ, ಬಸವಪೂರ್ವ ಯುಗದ ಶಿವಶರಣ ದೇವರ ದಾಸಿಮಯ್ಯರು. ಅವರು ಸಮಾಜದಲ್ಲಿ ಗENDER, ಜಾತಿ, ಪಂಥದ ಭೇದಭಾವಗಳ ವಿರುದ್ಧ ಧಿಕ್ಕಾರ ಮೊಳಗಿಸಿದವರು. ಅವರ ವಚನಗಳು ಸಾಮಾಜಿಕ ನ್ಯಾಯವನ್ನು ಪ್ರತಿಪಾದಿಸುತ್ತವೆ” ಎಂದು ಬಣ್ಣಿಸಿದರು.
ತಾಲ್ಲೂಕು ಪದ್ಮಸಾಲಿ ಸಂಘದ ಬಾಬು, ಸುಬ್ರಮಣಿ, ನಾಗರಾಜ್, ನಗರಸಭೆ ಪೌರಾಯುಕ್ತ ಮೋಹನ್ ಕುಮಾರ್, ವೇಣುಗೋಪಾಲ್ ಸೇರಿದಂತೆ ಹಲವಾರು ಗಣ್ಯರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.
