Sidlaghatta : ಮುವ್ವತ್ತು ವರ್ಷಗಷ್ಟು ಹಿಂದುಳಿದ ಊರನ್ನು ಅಭಿವೃದ್ಧಿ ಮಾಡಲು ದುಡಿಯುವ ಎತ್ತಿಗೆ ಮತ ಕೊಡಿ, ಕೇವಲ ಪೂಜೆ ಮಾಡಿಸಿಕೊಳ್ಳುವ ಗಂಗೆತ್ತಿಗಲ್ಲ. ಸ್ವಾಭಿಮಾನದ ಮತಬಾಂದವರೆ, ಮೂಗುನತ್ತು, ಮಾಂಸ ಕೊಡುವ ವ್ಯಾಪಾರಿಗಳಿಗೆ ನಿಮ್ಮ ಮತ ನೀಡಬೇಡಿ. ಸ್ವಾಭಿಮಾನಿ ಹಾಗೂ ನಿಮ್ಮ ಸೇವಕನಾದ ನನ್ನನ್ನು ಪರಿಗಣಿಸಿ ಎಂದು ಪಕ್ಷೇತರ ಅಭ್ಯರ್ಥಿ ಆಂಜಿನಪ್ಪ ಪುಟ್ಟು ಹೇಳಿದರು.
ತಾಲ್ಲೂಕಿನ ಹಿತ್ತಲಹಳ್ಳಿ ಗೇಟ್ ಬಳಿಯ ಇಂಡಿಯನ್ ಪ್ಯಾಲೆಸ್ ಬಳಿ ಭಾನುವಾರ ನಡೆದ “ಶಿಡ್ಲಘಟ್ಟ ಜನತೆಯ ಸ್ವಾಭಿಮಾನಿ ಸಮಾವೇಶ” ದಲ್ಲಿ ಸೇರಿದ್ದ ಸಾವಿರಾರು ಮಂದಿ ಬೆಂಬಲಿಗರನ್ನು ಉದ್ದೇಶಿಸಿ ಅವರು ಮಾತನಾಡಿದರು.
ವ್ಯವಸಾಯದ ಕುಟುಂಬ ನಮ್ಮದು. ನಮ್ಮ ತಂದೆ ಕುರಿ ಮೇಯಿಸುತ್ತಿದ್ದರು. ರೈತನ ಮಗ ಎಂ.ಎಲ್.ಎ ಆಗಬಾರದಾ, ಜನಸಾಮಾನ್ಯನೊಬ್ಬ ಎಂ.ಎಲ್.ಎ ಆಗಬಾರದಾ. ಕೇವಲ ವ್ಯಾಪಾರಸ್ಥರಿಗೆ ಮಾತ್ರ ಕಾಂಗ್ರೆಸ್ ಬಿ.ಫಾರಂ ಕೊಡುತ್ತಾರೆ. ನಾನು ಜನರಿಗೆ ಸೇವೆ ಮಾಡಿದ್ದೇನೆಯೇ ಹೊರತು ಕಾಂಗ್ರೆಸ್ ಹೈಕಮ್ಯಾಂಡ್ ಗೆ ಅಲ್ಲ. ಮತ ನೀಡುವವರು ಜನರೇ ಹೊರತು ಅಲ್ಲೆಲ್ಲೋ ಕುಳಿತ ವರಿಷ್ಠರಲ್ಲ. ಜನರೇ ನನಗೆ ಹೈಕಮ್ಯಾಂಡ್. ಜನರ ತೀರ್ಮಾನವನ್ನು ತಿರಸ್ಕರಿಸಿದವರಿಗೆ ಜನರೇ ಮೇ 10 ರಂದು ಉತ್ತರ ಕೊಡುತ್ತಾರೆ.
ಆರೋಗ್ಯ ಶಿಬಿರಗಳು, ಶಸ್ತ್ರಚಿಕಿತ್ಸೆಗಳು, ಪ್ರತಿಭಾ ಪುರಸ್ಕಾರ ಮುಂತಾದ ಸೇವೆ ಮಾಡಿದ್ದೇನೆ. ಜನರ ಪ್ರೀತಿ ಗಳಿಸಿದ್ದೇನೆ ಎಂದು ಕಾಂಗ್ರೆಸ್ ವರಿಷ್ಠರಲ್ಲಿ ಟಿಕೇಟ್ ಕೊಡಲು ಮನವಿ ಮಾಡಿದ್ದೆ. ನನಗೆ ಭರವಸೆ ಕೊಟ್ಟು, ನಂಬಿಸಿ, ವಚನ ಭ್ರಷ್ಟರಾಗಿ ಕಾಂಗ್ರೆಸ್ ಹೈಕಮ್ಯಾಂಡ್ ನನಗೆ ಅನ್ಯಾಯ ಮಾಡಿದರು. ಕಾಂಗ್ರೆಸ್ ಪಕ್ಷದಿಂದ ಮಾಡಿದ ಸರ್ವೆಯಲ್ಲಿ ನನ್ನ ಪರವಾಗಿ ಶೇ 73 ರಷ್ಟು ಬಂದಿದ್ದರೂ ಕೇವಲ ಶೇ 3 ರಷ್ಟು ಬಂದಿದ್ದವರಿಗೆ ಬಿ ಫಾರಂ ಕೊಟ್ಟರು. ಜನರ ತೀರ್ಮಾನಕ್ಕೆ ವಿರುದ್ಧವಾಗಿ ಅವರು ಕಾಂಗ್ರೆಸ್ ಟಿಕೇಟ್ ಕೊಟ್ಟಿದ್ದಾರೆ ಎಂದು ದೂರಿದರು.
ನಾವೇನಾದರೂ ಹುಟ್ಟುವಾಗಲೇ ಕಾಂಗ್ರೆಸ್, ಬಿಜೆಪಿ, ಜೆಡಿಎಸ್ ಎಂದು ಬ್ರಾಂಡ್ ಹಾಕ್ಕೊಂಡು ಹುಟ್ಟಿರುತ್ತೀವಾ. ಇಲ್ವಲ್ಲಾ. ಯಾರು ಜನರ ಕಷ್ಟಗಳಿಗೆ ಸ್ಪಂದಿಸುತ್ತಾನೆ, ಒಳ್ಳೆಯ ಕೆಲಸಗಳನ್ನು ಮಾಡುತ್ತಾನೆ, ನಿಮ್ಮ ಸಮಸ್ಯೆ ಬಂದಾಗ ಜೊತೆಗಿರುತ್ತಾನೆ ಆ ವ್ಯಕ್ತಿಗೆ ಮತ ನೀಡಿ. ಪಕ್ಷಕ್ಕಲ್ಲ. ಯೋಗ್ಯನಾ, ಅಯೋಗ್ಯನಾ, ಕೆಲ ಮಾಡುತ್ತಾನಾ, ಗೆದ್ದ ಮೇಲೆ ನಮ್ಮ ಜೊತೆಗಿರುತ್ತಾನಾ, ಇಲ್ಲವಾ ಎಂಬುದಿರಲಿ ಮಾನದಂಡ. ಇಷ್ಟು ವರ್ಷಗಳಿಂದ ಪಕ್ಷ ನೋಡಿ ಮತ ಹಾಕಿದ್ದೀರಿ, ಈಗ ವ್ಯಕ್ತಿ ನೋಡಿ ಮತ ಹಾಕಿ. ನಿಮ್ಮ ಕ್ಷೇತ್ರದ ಅಭಿವೃದ್ಧಿಗೆ, ನಿಮ್ಮ ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ಮತ ಹಾಕಿ ಎಂದರು.
ಶಿಡ್ಲಘಟ್ಟ ನಗರದಲ್ಲಿ ನೀರಿನ ಸಮಸ್ಯೆಯಿದೆ. ಚರಂಡಿಗಳಲ್ಲಿ ಗಲೀಜು ತುಂಬಿ ತುಳುಕುತ್ತಿದೆ. ಸಾರ್ವಜನಿಕ ಶೌಚಾಲಯಗಳಿಲ್ಲ. 21 ನೇ ಶತಮಾನದಲ್ಲೂ ನಾವೇಕೆ ಇಷ್ಟು ಹಿಂದುಳಿದಿದ್ದೇವೆಂಬುದರ ಉತ್ತರ ನಿಮ್ಮ ಬಳಿಯೇ ಇದೆ. ಬೇರೆ ತಾಲ್ಲೂಕುಗಳಲ್ಲಿ ಆದಂತೆ ಅಭಿವೃದ್ಧಿ ನಮ್ಮಲ್ಲಿ ಏಕೆ ಆಗಿಲ್ಲ. ಈ ಚುನಾವಣೆ ಶಿಡ್ಲಘಟ್ಟದ ಭವಿಷ್ಯಕ್ಕೆ ಮುನ್ನುಡಿ ಬರೆಯುವಂತಾಗಲಿ. ಪ್ರಾಮಾಣಿಕವಾಗಿ ಕಂಕಣ ಬದ್ಧನಾಗಿ ದುಡಿಯಲು ನಾನು ಸಿದ್ಧನಿದ್ದೇನೆ. ದುಡ್ಡಿನಲ್ಲಿ ಅವರು ಸಾವುಕಾರರಿರಬಹುದು, ಜನರ ಸೇವೆ ಮತ್ತು ಕಣ್ಣೀರು ಒರೆಸುವಲ್ಲಿ ನಾನು ಸಾಹುಕಾರ ಎಂದು ಹೇಳಿದರು.
ಸ್ಥಳೀಯ ಆಸ್ಪತ್ರೆಗಳಲ್ಲಿ ಸೌಕರ್ಯಗಳು ಏಕಿಲ್ಲ, ತಾಲ್ಲೂಕು ಕಚೇರಿಗಳಲ್ಲಿ ನಿಮ್ಮ ಕೆಲಸಗಳು ನಡೆಯುತ್ತಿವೆಯೇ, ಸರ್ಕಾರಿ ಶಾಲೆಗಳು ಏಕೆ ಚೆನ್ನಾಗಿಲ್ಲ. ಎಂ.ಎಲ್.ಎ ಆದವರು ಏಕೆ ಇವನ್ನೆಲ್ಲಾ ಸರಿಪಡಿಸಿಲ್ಲ, ಸಾಗುವಳಿ ಚೀಟಿ ಏಕೆ ಕೊಡಿಸಿಲ್ಲ. ಯಾವುದಾದರೂ ಸರ್ಕಾರಿ ಇಲಾಖೆಗಳಲ್ಲಿ ನಿಮ್ಮ ಕೆಲಸಗಳು ಸುಸೂತ್ರವಾಗಿ ನಡೆಯುತ್ತಿವೆಯೇ. ಆ ಪಕ್ಷ, ಈ ಪಕ್ಷ ಎಂದು ಮತ ಕೊಟ್ಟಿರಲ್ಲ, ಅವರೆಲ್ಲ ಏನು ಮಾಡಿದ್ದು ಎಂ.ಎಲ್.ಎ ಆದವರಿಗೆ ಜನಸೇವೆ ಮಾಡುವ ಇಚ್ಛಾಶಕ್ತಿ ಇರಬೇಕು ಎಂದು ಹೇಳಿದರು.
ಶಿಡ್ಲಘಟ್ಟ ವಿಧಾನಸಭೆ ಚುನಾವಣೆ ನಮ್ಮೆಲ್ಲರ ಭವಿಷ್ಯ, ನಮ್ಮ ಮಕ್ಕಳ ಭವಿಷ್ಯವನ್ನು ನಿರ್ಧರಿಸುತ್ತದೆ. ಈ ಚುನಾವಣೆ ಸ್ವಾಭಿಮಾನದ ಚುನಾವಣೆ, ನಮ್ಮ ಸಮಸ್ಯೆಗಳ ಧ್ವನಿಯಾಗುವ ಚುನಾವಣೆ. ಸ್ವಾಭಿಮಾನಕ್ಕೆ ಧಕ್ಕೆಯಾದಾಗ ಯಾರೂ ಸಹಿಸುವುದಿಲ್ಲ.
ಪ್ರಜಾಪ್ರಭುತ್ವದಲ್ಲಿ ಪ್ರಜೆಗಳೇ ಪ್ರಭುಗಳು ಮತ್ತು ದೇವರುಗಳು. ಪ್ರತಿಯೊಂದು ಮತವೂ ಅಮೂಲ್ಯ. ಯೋಗ್ಯರಿಗೆ ಮತವನ್ನು ನೀಡಬೇಕು, ಅಯೋಗ್ಯರಿಗಲ್ಲ, ವ್ಯಾಪಾರಸ್ಥರಿಗಲ್ಲ. ವ್ಯಾಪಾರಸ್ಥರಿಗೆ ಮತ ಕೊಟ್ಟರೆ ಅದನ್ನೂ ವ್ಯಾಪಾರ ಮಾಡ್ಕೋತಾನೆ. ನಿಮ್ಮ ಮತ ವ್ಯಾಪಾರಕ್ಕಿಲ್ಲ, ನಿಮ್ಮ ಮತ ಏನಿದ್ದರೂ ನಿಮ್ಮ ಸೇವೆ ಮಾಡುವವನಿಗೆ ಕೊಡಿ.
ಜನರ ಪ್ರೀತಿಗೆ ಬೆಲೆ ಕಟ್ಟಲು ಆಗದು, ಹಾಗೆಯೇ ಮತಕ್ಕೂ ಬೆಲೆ ಕಟ್ಟಲಾಗದು. ಮೂಗುನತ್ತಿಗೆ, ಕೆಲವು ಕೇಜಿ ಮಾಂಸಕ್ಕೆ ನೀವು ಮತ ಮಾರಿಕೊಳ್ಳಲು ಸಾಧ್ಯವಾ, ಕ್ರಿಮಿನಲ್ ಹಿನ್ನೆಲೆಯುಳ್ಳವರಿಗೆ ಮತ ಕೊಡಲು ಸಾಧ್ಯವಾ. ನಿಮ್ಮ ಸೇವಕನಂತೆ, ಮನೆಯ ಮಗನಂತೆ ಕೆಲಸ ಮಾಡುವವನಿಗೆ ನಿಮ್ಮ ಮತವನ್ನು ಕೊಡಬೇಕು.
ಕಳೆದ ಹತ್ತು ವರ್ಷಗಳಿಂದ ನಾನು ನಿಮ್ಮ ಮನೆ ಮಗನಾಗಿ ಜನರ ಸೇವೆ ಮಾಡಿಕೊಂಡು ಬಂದಿದ್ದೇನೆ. ಸೇವೆ ಮಾಡಿ ಜನರ ಪ್ರೀತಿ ಗಳಿಸಿದರೆ ಮಾತ್ರ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಜನರ ಮತ ಪಡೆಯಬಹುದೆಂದು ನಂಬಿರುವವನು ನಾನು.
ನನ್ನದು ಹೋರಾಟದ ಜೀವನ. ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಗೆಲ್ಲುವ ಮೂಲಕ ರಾಜಕೀಯ ಜೀವನ ಪ್ರಾರಂಭಿಸಿದವನು, ನಿರಂತರವಾಗಿ ಜನರ ನಡುವೆ, ಜನ ಸೇವಕನಾಗಿ ಇದ್ದೇನೆ. ಜನಸೇವಕರು ಎಂ.ಎಲ್.ಎ ಕನಸು ಕಾಣಬಾರದಾ ಎಂದರು.
Independent Candidate Anjinappa Puttu Urges Voters to Prioritize Development over Party Loyalties
Sidlaghatta : In a passionate address to thousands of supporters gathered at the “Shidlaghatta Janate Swabhimani Samavesha,” independent candidate Anjinappa Puttu made a compelling case for his candidacy, emphasizing his commitment to developing the backward town over blind party allegiances. The event took place near the Indian Palace, close to the Hittalahalli Gate in the taluk, on Sunday.
Hailing from a farming family, Puttu emphasized that a farmer’s son or a common man should not be excluded from the possibility of becoming an MLA (Member of the Legislative Assembly). He criticized the Congress party for allegedly granting B.Form only to business people and highlighted his own service to the people, distancing himself from the Congress High Command.
Asserting that the power to vote lies with the people rather than the nobles, Puttu appealed to voters to consider his track record of organizing health camps, surgeries, and talent awards. He expressed his disappointment with the Congress high command, claiming they had unjustly denied him a ticket despite his popularity among the people. According to a survey conducted by the Congress party, 73 percent of respondents favored Puttu, yet only 3 percent were reflected in the party’s decision.
Puttu urged voters to break free from party affiliations and consider candidates based on their responsiveness to people’s problems, past achievements, and commitment to the constituency’s development. He drew attention to the lack of essential facilities in Shidlaghat city, such as water supply, overflowing drains, and public toilets, emphasizing the need for change and progress in the taluk.
Highlighting issues such as inadequate local hospitals, inefficiencies in government offices, and substandard government schools, Puttu questioned the role of the incumbent MLA in addressing these concerns. He stressed the importance of electing candidates with a genuine desire to serve the people and improve their lives, urging voters to prioritize the future of their children and the development of their constituency.
Noting that this election represents a fight for self-respect and an opportunity to voice grievances, Puttu reminded voters of their power in a democratic system. He advocated for casting votes based on merit and service, rather than allowing business interests or criminal backgrounds to sway their decisions.
Reflecting on his own journey, Puttu described his political career, which began with winning Gram Panchayat elections. He presented himself as a public servant who has always been accessible to the people and emphasized that the position of MLA should not be seen as an unreachable dream for public servants.
In conclusion, Puttu appealed to voters to consider the value of their votes, urging them not to compromise their self-esteem by selling their votes for trivial gains. He positioned himself as a dedicated public servant, likening his service to that of a devoted son serving his household. Through his address, Puttu aimed to rally support and secure votes based on his track record of service and dedication to the welfare of the people.
