ವರದನಾಯಕನಹಳ್ಳಿ ಸರ್ಕಾರಿ ಶಾಲೆಯಲ್ಲಿ ಯೋಗ ಧ್ಯಾನ

ಪ್ರತಿ ಶನಿವಾರ ತಾಲ್ಲೂಕಿನ ವರದನಾಯಕನಹಳ್ಳಿ ಸರ್ಕಾರಿ ಶಾಲೆಯು ವಿಭಿನ್ನವಾಗಿ ಪ್ರಾರಂಭಗೊಳ್ಳುತ್ತದೆ.
ಈ ಶಾಲೆಯಲ್ಲಿ ಬೆಳಿಗ್ಗೆ ಎಂಟು ಗಂಟೆಯಿಂದ ಒಂಭತ್ತು ಗಂಟೆಯವರೆಗೆ ಮಕ್ಕಳಿಗೆ ಯೋಗ, ವ್ಯಾಯಾಮ ಮತ್ತು ಧ್ಯಾನವನ್ನು ಕಲಿಸಲಾಗುತ್ತದೆ. ಶಾಲೆಯ ಆವರಣದ ದೊಡ್ಡ ಕಾಂಪೋಂಡಿನೊಳಗೆ ಓಟ ಆರಂಭಿಸುವ ವಿದ್ಯಾರ್ಥಿಗಳಿಗೆ, ನಂತರ ನಿಂತು ಮಾಡುವ ಆಸನಗಳು, ಏರೋಬಿಕ್ಸ್ ಮಾಡಿಸಲಾಗುತ್ತದೆ. ಇದಾದ ನಂತರ ಶಾಲಾ ಆವರಣದಲ್ಲಿ ಸಾಲಾಗಿ ಕಳ್ಳರಿಸಿ ಶಿಕ್ಷಕರು ಕೆಲವು ಶ್ಲೋಕಗಳನ್ನು ಕಲಿಸಿ ಹತ್ತು ನಿಮಿಷ ಧ್ಯಾನ ಮಾಡಿಸುತ್ತಾರೆ.
‘ಹಲವಾರು ವರ್ಷಗಳಿಂದ ನಾವು ಶನಿವಾರ ಮಕ್ಕಳಿಗೆ ಯೋಗ, ವ್ಯಾಯಾಮ ಮತ್ತು ಧ್ಯಾನವನ್ನು ಕಲಿಸಲೆಂದೇ ಸಮಯವನ್ನು ಮೀಸಲಿಟ್ಟಿದ್ದೇವೆ. ಮಕ್ಕಳಿಗೆ ಇದರಿಂದ ಉತ್ಸಾಹ, ಚೈತನ್ಯ ಮತ್ತು ಕಲಿಯಲು ಆಸಕ್ತಿ ಹೆಚ್ಚುತ್ತದೆ’ ಎನ್ನುತ್ತಾರೆ ಶಿಕ್ಷಕ ನಾಗಭೂಷಣ್.