ತಾಲ್ಲೂಕಿನ ಮೇಲೂರು ಗ್ರಾಮದ ಸಾರ್ವಜನಿಕ ಸರ್ಕಾರಿ ಆಸ್ಪತ್ರೆಯಲ್ಲಿ ಬುಧವಾರ ಸುಮಾರು 12 ವರ್ಷಗಳಿಂದ ಸೇವೆಸಲ್ಲಿಸುತ್ತಿದ್ದ ಡಾ. ಉಷಾವಾಣಿಶ್ರೀ ಅವರಿಗೆ ಸೇವಾ ಜ್ಞಾಪಕಾರ್ತವಾಗಿ ಮೇಲೂರು ಗ್ರಾಮಪಂಚಾಯತಿ ವತಿಯಿಂದ ಬೀಳ್ಕೊಡುಗೆ ಸಮಾರಂಭವನ್ನು ಏರ್ಪಡಿಸಿದ್ದರು.
ಸನ್ಮಾನವನ್ನು ಸ್ವೀಕರಿಸಿದ ಡಾ. ಉಷಾವಾಣಿಶ್ರೀ ಅವರು ಮಾತನಾಡಿ,‘ಸಾರ್ವಜನಿಕರ ಸೇವೆಮಾಡಲು ಮೇಲೂರಿನಲ್ಲಿ ಬಹಳಷ್ಟು ಸಹಕಾರ ಕೊಡುತ್ತಾರೆ. 12 ವರ್ಷಗಳ ಸುದೀರ್ಘ ಸೇವೆ ನನಗೆ ತೃಪ್ತಿನೀಡಿದೆ’ ಎಂದರು.
ಗ್ರಾಮಪಂಚಾಯತಿ ಅಧ್ಯಕ್ಷೆ ಜಮುನಾ ಧರ್ಮೇಂದ್ರ, ಸದಸ್ಯರಾದ ಕೆ.ಮಂಜುನಾಥ್, ಆರ್. ಎ. ಉಮೇಶ್, ಎಚ್.ಎನ್.ರೂಪೇಶ್, ಡಾ.ರಾಜ್ ಕುಮಾರ್ ಅಭಿಮಾನಿಗಳ ಸಂಘದ ಸುದರ್ಶನ್, ಸುರೇಶ್, ಸುಧೀರ್, ಆಶಾಕಾರ್ಯಕರ್ತೆಯರು ಮತ್ತು ಗ್ರಾಮಸ್ಥರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
