ಜಂಗಮಕೋಟೆಯಲ್ಲಿ ಎರಡು ಕೋವಿಡ್ ಪಾಸಿಟಿವ್ ಪ್ರಕರಣ ದಾಖಲು

ಶಿಡ್ಲಘಟ್ಟ ತಾಲ್ಲೂಕಿನ ಪ್ರಥಮ ಸೋಂಕಿತರಾಗಿ ಜೂನ್ 17ರಂದು ವರದಿಯಾಗಿದ್ದ ಜಂಗಮಕೋಟೆಯ ಯುವಕನ ತಂದೆ, ತಾಯಿಯು ಕೊರೊನ ಪರಿಕ್ಷೆ ಪಾಸಿಟಿವ್ ಆಗಿ ಶುಕ್ರವಾರ ವರದಿಯಾಗಿದ್ದು, ಇದರೊಂದಿಗೆ ಶಿಡ್ಲಘಟ್ಟ ತಾಲ್ಲೂಕಿನ ಒಟ್ಟು ಸೋಂಕಿತರ ಸಂಖ್ಯೆ ೧೭ಕ್ಕೆ ಏರಿದೆ. ಈ ಹಿಂದೆ ಪ್ರಾಥಮಿಕ ಸಂಪರ್ಕಗಳ ಪರಿಕ್ಷೆಯಲ್ಲಿ ನೆಗೆಟಿವ್ ಬಂದಿತ್ತಾದರೂ, 10 ದಿನಗಳ ನಂತರ ಮಾಡುವ ಗಂಟಲು ದ್ರವ ಪರಿಕ್ಷೆಯಲ್ಲಿ ಇಬ್ಬರದ್ದೂ ಪಾಸಿಟಿವ್ ಎಂದು ವರದಿಯಾಗಿದೆ.